Ika 25 ngayon ng Hulyo, 12:07 ng madaling araw, marahil lahat ay excited dahil Holiday na, lalo na sa mga Estudyante, dahil halos ang iba ay walang pasok, ako naman, heto nakahiga at nanonood ng TV, napakinggan at nakita ang mga plano at mga gagawin ng mga Pilipino mamayang paggising, samu’t saring pakulo at sari saring aktibidad ang magaganap.
Ikalawang SONA na kasi ng pangulo mamaya, siguradong naghahanda ngayon si Pnoy ng kaniyang sasabihin sa harap ng libo- libong Pilipino na pinangakuan niya ng tuwid na daan noong bago mag eleksyon.
Isang taon na ang nakalipas, ngunit ang hangarin ng pinoy na pagbabago ay tila hindi nararamdaman ng Pilipino.
Isang masakit na pangyayari hindi ba?
Ngunit isang tanong sa aking isipan ang tila bumabagabag….
Tayo ba mismo ay may naitutulong sa pagtahak ng tuwid na daan? O baka naman tayo ang mga bato na nagpapatisod sa mga dumaraan sa tamang daan na ito?
“kayo ang aking boss!” ngunit tila masyado natin pinanghawakan ang binitawang salita ni Pnoy, nagpaka-boss tayo ng husto at umupo na lang sa isang tabi at naghintay ng magandang pagbabago.
Tsk tsk tsk!!! Pilipino ka bang talaga?!!
Ayon sa balita, madaming Pilipino daw ang magproprotesta sa araw ng SONA ng pangulo mamaya, maraming grupo na ‘NAGPAPAKE-HERO” sa kapwa natin Pilipino ang magpapasiklab ng kanilang saloobin at hinanakit sa Pangulo, nasaan na daw ang “Tuwid na Daan” na sinabi noon ng Pangulo?
Teka, hindi ba’t noon pa man ay matagal na nating inirereklamo ang mga pangako ng mga nagdaang Pangulo? hindi naman tayo tumigil sa pangiinsulto at galit, hindi ba? (marahil sa ibang pangulo na gumawa talaga ng kabulastugan sa gobyerno)
Nasasaktan lang kasi ako sa mga taong hanggang ngayon ay puro reklamo at batikos sa mga nagdadaang pangulo, hindi sila matigil, lahat inirereklamo nila, lahat may complain sila, lahat pinupuna nila, pero ang tanong? TAYO BA AY MAY NAGAWANG MAGANDANG BAGAY PARA MATIGIL TAYO SA PAGREREKLAMO?
“PATULOY NA NAGHIHIRAP ANG PILIPINO!!!”
Pero ikaw ba mismo ay nagsusumikap maiangat ang sarili mo o pamilya mo sa kahirapan? Nagsipag ka ba sa buhay mo?
O lagi ka lang nasa kanto at nakikipagkwentuhan sa kapitbahay mo na pinaguusapan ang buhay ng ibang tao o kaya’y kinaiinggitan ang bagong sasakyan ng kumare/kumpare mo?
O kaya’y isa kang nagpapanggap na may kapansanan at hindi kayang magtrabaho kaya’t andito ka na naman sa kantong ito nanghihingi ng konting barya para kamo may makain ang pamilya mo sa hapunan, PERO HETO NAKATABI KITA SA LOOB NG SINEHAN, NANONOOD NG PELIKULA NI ANGEL LOCSIN AT NI AGA MUHLACH!!!?
O kaya naman ay aakyat ka ng jeepney or bus na MAY DALANG SOBRE, “konting tulong lang po para sa baon naming magkakapatid” (na computerized pa ang nakasulat sa sobre, SOSYAL!!!)
O kaya’y nakaupo kami sa isang parke at bigla kang lalapit sa amin, sasabihin mo na isa kayong pangkat na tumutulong sa mga kabataan, pero pagdating ng gabi ay makikita kita sa isang restaurant nagbabayad ng mga barya? (“nakilala ko ata ang ibinayad mong bente pesos, may krayolang pula oh, madami ka bang nahingi sa luneta? Hahahahahah!!!”)
Madami pa yan.. konti pa lang yan sa mga nakikita ko.
“TRABAHO PARA SA PILIPINO!!!”
Ang tanong? Naghanap ka ba? Kahit anong available na trabaho sinubukan mo bang pasukin….? Nagrereklamo ka, samantalang hindi ka nakapagkolehiyo heto’t inaasam mo ang magtrabaho sa isang airconditioned office na gusto mo mataas na kaagad ang posisyon mo. O kaya’y nakatapos ka nga pero ang arte arte mo sa pagpili ng trabaho. Hayssssss, KAPAL NG MUKHA MO!!!”
Eh heto’t dami kong nakikitang nagpapaskil ng “Wanted: Service Crew”, “Wanted: Saleslady” etc. hindi ko masasabing panloloko to kasi kailangan naman nila talaga ng Service Crew dahil kainan sila. Sinasabi mo na maliit ang sweldo, huh? Buti nga may ipapasweldo sa iyo, ano ba gusto mo P20,000/month ba bilang service crew!!!? Ahhahahahah!!! Ewan ko sa iyo!!!
Halimbawa lang yan ng mga bagay bagay dito sa ating bansa, madami pa kung tutuusin…
“WE’LL FIGHT CORRUPTION”
Pero may dumating na budget para maipagawa ang isang paaralan, malaking halaga, dalawampung milyong piso ang nakuha mong budget, pero ano ang nagyari, kinontrata mo na ang Contractor para tipirin ang budget tapos ang matitipid ay ibubulsa mo, bibigyan mo na lang ang contractor sa makukuha mong pera. KASI ISUSUMBONG KA EH!!, hahahahaah!!
“SUSUPORATAHAN KO PO KAYO SA INYONG ADHIKAIN
Ito ang wika ng isang pulitiko sa kaniyang nasasakupan, kunyari ka pang susuporta o kinukuha mo lang ang loob ng mga tao dahil tatakbo ka ulit sa darating na halalan, para maalala ka ng taong bayan na isa ka sa mga sumuporta sa kanila. Tsk tsk tsk!!!
HAHAHAHAHAH, TINATAMAAN KA NA BA? Ang sakit diba?? Hehehe
Paalala lang po sa aking kapwa Pilipino na mag-isip at tiyaking mabuti sa kanilang hangarin, ako mismo sa sarili ko ay nahihirapan sa ganitong sitwasyon ng buhay pero ang akin na lamang iniisip ay gumawa ng tamang bagay na sa aking palagay ay makakaibsan ng problema ng ating bayan, tumulong tayo, tulungan natin ang ating sarili, magsikap tayo, tiisin natin lahat ng dagok ng ating buhay, hindi natin pwedeng iasa ito sa Pangulo, dahil hindi man natin nararamdaman ang pagkilos ng tunay na nakaupo sa Gobyerno, alam na alam natin na gumagalaw sila para sa hangaring maiangat ang ating bansa…
Magpasalamat tayo at may kinakain tayo sa araw-araw, kahit kaunti, ang importante hindi tayo napapabayaan.. May Diyos tayo, bakit hindi ka magpasalamat?…, PURO KA LANG KASI REKLAMO, AT IKAW MISMO SA SARILI MO AY DI GINAGAWA ANG TAMA PARA MAIAYOS ANG BUHAY MO!!!
Hindi kita masisi kung talagang hindi mo kaya, pero walang bagay ang hindi magagawa kung may pagmamahal at pagsisikap ng husto sa buhay... kaya mo yan...
Guys, 1 taon pa lang nakaupo si Noynoy, bakit hindi niyo siya bigyan ng pagkakataon, and besides, kahit may gawing magandang bagay ang pangulo, KUNG HINDI KA NAMAN KUMIKILOS PARA MAKAMIT ANG MGA BAGAY NA MINIMITHI MO, KAHIT SANDOSENANG PANGULO PA ANG DUMATING HANGGANG KAMATAYAN MO, WALANG MANGYAYARI SA BUHAY MO!!! YAN ANG TANDAAN MO!!!
